Վթարային վիճակի պատճառով փակվում է Մ-3 ճանապարհի Ոսկեհատի կամուրջը. ՀՀ Արմավիրի մարզպետի աշխատակազմ
Հարգելի՛ քաղաքացիներ,
Տեղեկացնում ենք, որ M-3 միջպետական ավտոճանապարհի՝ Զվարթնոց թաղամասից դեպի Ոսկեհատ և Մարգարա տանող հատվածում գտնվող Ոսկեհատի կամուրջը, որը գտնվում է Ճանապարհային դեպարտամենտի վերահսկողության ներքո՝ վթարային վիճակում է։
Տրանսպորտային միջոցների անվտանգությունն ապահովելու և հնարավոր վտանգները կանխելու նպատակով՝ սեպտեմբերի 24-ից կամուրջը երկկողմանի փակ է լինելու երթևեկության համար։
Խնդրում ենք վարորդներին ցուցաբերել զգոնություն, հետևել տեղադրված ճանապարհային նշաններին և օգտվել շրջանցիկ ավտոճանապարհներից։
Հայցում ենք քաղաքացիների ըմբռնումը և խնդրում պահպանել երթևեկության անվտանգության կանոնները։
Վաղարշապատի համայնքապետարան