«Ջրամատակարարման և կոյուղու ցանցերի արդիականացում Վաղարշապատ համայնքի 3 բնակավայրերում». Վաղարշապատի համայնքապետարան

Հոկտեմբերի 6-ին Վաղարշապատի համայնքապետարանում կայացավ հանրային իրազեկում՝ «ՀԵԾ 2, Փուլ 3 – Հայաստան, Ջրամատակարարում և կոյուղի» ծրագրի Լոտ 5Ա-ի շրջանակում նախատեսվող աշխատանքների վերաբերյալ։

Իրազեկման ընթացքում ներկայացվեցին Վաղարշապատ համայնքի Արշալույս, Հովտամեջ և Ոսկեհատ բնակավայրերի ջրամատակարարման ենթակառուցվածքների կառուցման և վերակառուցման ծրագրի նպատակները, նախատեսվող աշխատանքներն ու դրանց իրականացման ընթացքը։

Ծրագրով նախատեսվում են՝

• ջրամատակարարման բաշխիչ ցանցերի կառուցում և վերակառուցում,

• պոմպակայանների և հարակից ենթակառուցվածքների կառուցում կամ արդիականացում,

• տնային միացումների իրականացում,

• ջրաչափերի տեղադրում,

• անհրաժեշտ սարքավորումների տեղադրում և արդիականացում։

Հանրային իրազեկմանը մասնակցեցին համայնքի պատասխանատուներ, վարչական ղեկավարներ և բնակավայրերի բնակիչներ։ Քննարկման ընթացքում ներկայացվեցին ծրագրի հիմնական դրույթները, բնակիչներին հետաքրքրող հարցերը և նախատեսվող աշխատանքների իրականացման հետ կապված մանրամասները։

Ծրագրի իրականացումը միտված է համայնքի բնակավայրերում ջրամատակարարման ենթակառուցվածքների բարելավմանը, ծառայությունների որակի բարձրացմանը և բնակիչների համար ավելի հուսալի ու կայուն ջրամատակարարման ապահովմանը։