Բացահայտիր Արմավիրը. Քարակերտի հնագույն բնակատեղին․ Արմավիրի մարզի մ․թ․ա․ II-I հազարամյակների բացառիկ հնագիտական հուշարձանը

Քարակերտի բնակատեղին հանրապետական նշանակության պատմամշակութային հուշարձան է Հայաստանի Արմավիրի մարզում՝ Քարակերտ բնակավայրից մոտ 1 կմ հյուսիս-արևմուտք։

Այս հնագույն տեղանքը թվագրվում է մ․թ․ա․ II-I հազարամյակներով (Բրոնզեդարյան և Երկաթեդարյան ժամանակաշրջաններ)։ Տարածքը ներկայացնում է Հայկական լեռնաշխարհի վաղ բնակատեղիներից մեկը, որտեղ պահպանվել են հնագույն քարաշեն կառույցների հիմքեր, կիկլոպյան շարվածքի հետքեր և պատմական տարածքի բնական լանդշաֆտը։ 

Հուշարձանը գտնվում է պետական պահպանության ներքո՝ «Պատմամշակութային արգելոց-թանգարանների և պատմական միջավայրի պահպանության ծառայություն» ՊՈԱԿ-ի հսկողությամբ։

Տեղանքում իրականացվում են կանոնավոր մոնիթորինգային շրջայցեր և պահպանական աշխատանքներ հուշարձանների պահապանների և մասնագետների կողմից՝ հնագիտական շերտերն ու տարածքը հնարավոր վնասումներից զերծ պահելու համար։

Քարակերտի բնակատեղին կարևոր հնագիտական աղբյուր է տարածաշրջանի վաղ բնակեցման, շինարարական տեխնիկայի և մ․թ․ա․ 2-րդից 1-ին հազարամյակների կենցաղի ուսումնասիրության համար։ 

Կոորդինատներ․ 40°14'48" N, 43°48'05" E

Լուսանկարը` Հուշարձանների պահպանության Արմավիրի մարզային ծառայության: