Բացահայտիր Արմավիրը. Ալպերտոսի խաչքարը․ Էջմիածնի Շողակաթ եկեղեցու պատմական կոթողը
Ալպերտոսի խաչքարը գտնվում է Հայաստանի Արմավիրի մարզի Վաղարշապատ (Էջմիածին) քաղաքում՝ Նալբանդյան և Սահակ Պարթև փողոցների խաչմերուկի մոտ գտնվող Շողակաթ եկեղեցում, որն ընդգրկված է ՅՈՒՆԵՍԿՕ-ի Համաշխարհային ժառանգության ցանկում։
Այն հաշվառված է Հայաստանի պատմության և մշակույթի անշարժ հուշարձանների պետական ցանկում (4.2/18)։
Խաչքարն արտաքուստ ագուցված է Շողակաթ եկեղեցու հարավային որմին՝ իրար կողք ագուցված զույգ խաչքարերից ձախինն է։
Խաչքարի ստորին հատվածում առկա է 2 տող վիմական արձանագրություն. «Յիշատակ է սուրբ խաչս Նալխչյանցի... Աղամալի որդոյն Ալպերտոսին»։ Արձանագրության մեջ հիշատակվում են եկեղեցու մեկենաս Աղամալ Նախիջևանցին և իր որդին՝ Ալպերտոսը։
Կոորդինատներ․ 40°09'45" N, 44°17'20" E